တရုတ်နိုင်ငံ၊ တောင်အောက်မှာ တည်ဆောက်ထားတဲ့ ကမ္ဘာ့အနက်ဆုံး မြေအောက်ဓာတ်ခွဲခန်း
တရုတ်နိုင်ငံက အမှောင်ဒြပ် (Dark Matter)တွေအကြောင်း လေ့လာဖို့ ကမ္ဘာ့အနက်ဆုံး မြေအောက်ဓာတ်ခွဲခန်းတစ်ခု တည်ဆောက်ထားပါတယ်။ မြေအောက်အနက် မီတာ ၂၄၀၀ (၇၈၇၄ ပေ)မှာ တည်ဆောက်ထားတဲ့ ဓာတ်ခွဲခန်းဟာ Deep Underground and Ultra-low Radiation Background Facility for Frontier Physics Experiments (DURF) လို့ အမည်ရပြီး စီချွမ်ပြည်နယ်၊ လျှံရှမ်းယီကိုယ်ပိုင်အုပ်ချုပ်ခွင့်ရဒေသမှာရှိတဲ့ ကျင်းပင်တောင်အောက်မှာ တည်ရှိပါတယ်။
အမှောင်ဒြပ်တွေကို လေ့လာရာမှာ နှောင့်ယှက်ဟန့်တားလေ့ရှိတဲ့ ကော့စမစ်ရောင်ခြည်တွေ ဝင်မလာနိုင်အောင် အလွန်နက်ရှိုင်းတဲ့မြေအောက်မှာ ဓာတ်ခွဲခန်း တည်ဆောက်ခဲ့တာပါ။ ၂၀၂၀ ပြည့်နှစ် ဒီဇင်ဘာလကတည်းက စင်ဟွာတက္ကသိုလ်နဲ့ ယာလောင်မြစ် ရေအားလျှပ်စစ်စီမံကိန်းကုမ္ပဏီတို့ ပူးပေါင်းပြီး အဲဒီစီမံကိန်းကို စတင်ဆောင်ရွက်ခဲ့ကြတာပါ။
DURF ဓာတ်ခွဲခန်းဟာ အိုလံပစ်ရေကူးကန် ၁၂၀ စာ အရွယ်အစားရှိပြီး ကုဗမီတာ ၃၃၀၀၀ ကျယ်ဝန်းတာကြောင့် ကမ္ဘာ့အနက်ဆုံး မြေအောက်ဓာတ်ခွဲခန်း ဖြစ်ရုံသာမက ကမ္ဘာ့အကြီးဆုံး မြေအောက်ဓာတ်ခွဲခန်းလည်း ဖြစ်ပါတယ်။ ယခင်က ကမ္ဘာ့အကြီးဆုံး မြေအောက်ဓာတ်ခွဲခန်းဖြစ်တဲ့ ဂရန်ဆက်ဆိုအမျိုးသားဓာတ်ခွဲခန်း (အီတလီ)ထက် အရွယ်အစား နှစ်ဆလောက် ပိုကြီးပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
