အိမ်မီးလောင်ချိန်မှာ မိဘနှစ်ပါးကို အသက်စွန့်ကယ်ခဲ့တဲ့ ဟဲဗီးဝိတ်ချန်ပီယံဟောင်း
UFC ဟဲဗီးဝိတ်ချန်ပီယံဟောင်း မက်ခ်ကိုးမန်းဟာ မိဘတွေအိမ်ကို အလည်ပြန်ရင်း နေအိမ်မီးလောင်မှု ကြုံခဲ့ပါတယ်။ နံနက် ၄ နာရီအချိန်မှာ ခွေးဟောင်သံကြားလို့ သူ နိုးလာတော့ အိမ်မီးလောင်နေပါပြီ။ မက်ခ်ဟာ မီးလောင်နေတဲ့ နေအိမ်ထဲကနေ သက်ကြီးရွယ်အို မိဘနှစ်ပါးကို ဆွဲထုတ်နိုင်ခဲ့ပေမဲ့ သူကိုယ်တိုင်ကတော့ မီးခိုးမွှန်ပြီး သတိလစ်သွားလို့ ဆေးရုံ ရောက်ခဲ့ပါတယ်။
မက်ခ်ကို ကယ်တင်နိုင်ဖို့ ဆရာဝန်တွေ အစွမ်းကုန် ကြိုးစားခဲ့ရပြီး နောက် ၃ ရက်ကြာမှ မက်ခ်က ပုံမှန်အတိုင်း အသက်ပြန်ရှူနိုင်ခဲ့တာပါ။ ” ကျွန်တော်က ကမ္ဘာပေါ်မှာ အပျော်ရွှင်ဆုံးလူသားပါပဲ။ ကျွန်တော် အရမ်းကံကောင်းခဲ့တာပါ။ ကျွန်တော့်မိဘတွေ အသက်ရှင်နေသေးတာ မယုံနိုင်စရာပါပဲ” လို့ မက်ခ်က ပြောပါတယ်။
မက်ခ်ရဲ့ သမီးနှစ်ယောက်က သူတို့အဖေကို ပြုစုစောင့်ရှောက်ဖို့ အလုပ်ကနေ လစာမဲ့ခွင့် ယူခဲ့ကြပြီး ငွေကြေးအထောက်အပံ့ရစေဖို့အတွက် GoFundMe ကနေ အကူအညီတောင်းခဲ့ရာမှာ အမေရိကန်ဒေါ်လာ ၁၂၇၀၀၀ ကျော် ရရှိခဲ့ပါတယ်။ UFC ဟဲဗီးဝိတ်ချန်ပီယံဟောင်း မက်ခ်ကိုးမန်းဟာ ထင်ပေါ်ကျော်ကြားသူပြခန်းမှာလည်း ထည့်သွင်းခံထားရသူပါ။ သူဟာ UFC 10 နဲ့ 11 ပြိုင်ပွဲတွေမှာ ချန်ပီယံဖြစ်ခဲ့ပြီး UFC ရဲ့ ပထမဆုံးဟဲဗီးဝိတ်ချန်ပီယံလည်း ဖြစ်ပါတယ်။
ရေးသားသူ –Yoyarlay
မိုးနတ်မင်း သတင်းစုံ – Telegram Channel မှလည်း ပြည်တွင်းသတင်း၊ နိုင်ငံတကာသတင်း၊ ဆယ်လီသတင်းများအပြင် ကျန်းမာရေး၊ ဗေဒင်၊ ဗဟုသုတများကိုပါ နေ့စဉ်တင်ဆက်ပေးနေပါပြီ။ အသစ်အသစ်သော သတင်းတွေမလွတ်သွားရအောင် အောက်ပါ Link လေးကိုနှိပ်ပြီး အခုပဲ join ထားလိုက်ပါ။
မိုးနတ်မင်း ပရိသတ်ကြီးလည်း အခုသတင်းလေးကိုဖတ်ပြီး ထင်မြင်ချက်တွေကို ကွန်မန့်မှာရေးခဲ့ရင်း မိတ်ဆွေများသိအောင် သတင်းကို မျှဝေပေးခဲ့ပါဦး။
